|
|
Angela Chan
當年懵查查入行，自此一直從事市場推廣， 每次轉工都要轉行，留下腳印的有公關，廣告，傳媒，石油等行業，現為MSIG保險市場部主管。深信凡事只要用個心去做，用誠意去溝通，對得住良心，必定有好結果。 |
|
2009-12-21 17:12 發表
文章類別：
行李
|
行程
|
旅遊保
罷工、暴風雪、英法鐵路故障／停駛、地震
Angela Chan
|
|
|
放心，大部份旅遊保險都保題目所列嘅情況，問題係保乜野啫。
簡單講，一份完整嘅旅遊保險必有以下主要保障項目：
一、 人身意外
二、 醫療費用
三、 24小時全球支援服務
四、 取消或縮短旅程
五、 行程延誤
六、 行李損失或延誤
七、 個人責任
若發生咗罷工、暴風雪或公共交通出現故障、停駛或停航，通常有機會影響到行程延誤、行李損失或延誤、甚至取消或縮短旅程。嚴重的可能要claim埋人身意外、醫療費用、甚或24小時全球支援服務。
要留意，如你投保嘅單係局部的，只得人身意外、醫療費用，可能連24小時全球支援服務都冇，咁你就只有果兩樣保障。查實乜野人會買呢類單呢？點解佢地會買呢？若有啲人成日都返鄉下，尤其係廣東省城市，可能佢地會覺得除咗人身意外同醫療費用外，唔太需要其它的保障，有乜事都可即時安排返港，唔駛等包機，呢類客人咪會考慮投保局部的旅遊保險囉，點都好，最緊要自己清楚買得足唔足，唔好自己有事時搞到亂哂籠就得。
前幾次我已提過有關大項嘅保障範圍大家要留意嘅地方，喺度講埋其它細項保障嘅細節喇。
行程延誤 --通常係現金保障，每延誤滿某個鐘數就賠幾百至過千。嗱！保單等同客人與保險公司的合約，所以字字珠璣。請睇清楚，係每滿幾個鐘頭，即如果寫明每滿8個鐘賠二百蚊，萬一歐洲之星遲咗18個鐘，咁保險公司就會賠四百，剩低最後兩個鐘唔計，因未滿8個鐘。
行李損失或延誤 -- 情理上先有延誤後有遺失。通常保單會俾客人買番必需品以應付未來幾日嘅需要，何謂必需品就由客人演繹。若果到最後件行李被證實唔見左，咁保險公司會以每件物件計，同時設總賠償額上限，記住計物品價值時有機會扣折舊，同埋賠總數時會扣番之前為同一件行李延誤嘅賠償。
有關呢兩項保障，記住問當局如航空公司或鐵路公司攞番張延誤嘅證明文件，被人偷咗行李就記住24小時內報警。
旅遊保單其實係涉及好多保險理論嘅產品，最常引起誤會嘅地方我應該已經講得七七八八，聽日講埋年齡限制就十十九九啦。
|
|
